Gizarte-bizitzaren esparru guztietan emakumeen parte-hartze aktiboa lortzea eta generoak/sexuak eragindako diskriminazioa ezabatzea helburu duen plana, administrazio eta erakunde publikoetan nahiz enpresa pribatuetan aplikatzekoa. Besteak beste, alderdi hauei buruzko informazioa jasotzen dute: helburu zehatzak; helburu horiek lortzeko epe motz eta ertainera jarraitu beharreko estrategiak, hartu beharreko neurriak eta egin beharreko ekintzak; zehaztutako ekintzak gauzatzeko arduradunak, epeak eta baliabideak; planaren jarraipena eta ebaluazioa egiteko sistema eraginkorrak.